Kryeministri i Shqipërisë, Edi Rama, ka komentuar rastin e ish-presidentit të Kosovës, Hashim Thaçi, duke theksuar se luftëtarët e Ushtrisë Çlirimtare të Kosovës nuk duhet të shihen si kriminelë për veprimet e tyre gjatë luftës për liri.

Rama tha se nuk është e tmerrshme të mendohet se shpëtimtarët e një kohe kur ekzistenca e Kosovës ishte në rrezik, duhet të paraqiten para një gjykate ndërkombëtare.

Rama gjithashtu kritikoi reagimet e disa shqiptarëve, të cilët, sipas tij, e trajtojnë Thaçin si armik politik edhe përpara gjykatës, duke harruar kontributin e tij historik për pavarësinë e Kosovës.

“Çfarë turpi për drejtësinë ndërkombëtare dhe edhe më zi për shqipsharësit digjitalë, tifozë të verbuar prej budallakisë kinse patriotike, që edhe mbrapa hekurave të kësaj padrejtësie ulëritëse, e shohin dhe trajtojnë Hashim Thaçin si armik politik, duke uruar të mos dalë më kurrë prej aty; ndërkohë që kur atyre t’u jetë harruar nami e nishani dhe asaj gjykate t’i ketë mbetur vetëm njolla e turpit të historisë, emri i Hashimit do të mbetet përgjithnjë si emri i njeriut që u bë njësh me fatin, lirinë dhe pavarësinë e Kosovës”, shkroi Rama./Arbresh.info